上島之後大概40分鐘車程到達酒店- #AmariEmeraldCoveKohChang, 酒店比我想像中靚同大（因為象島感覺比較原始d)，不過至緊要都係間房同個海灘。之前book咗間suite，4個人唔洗分房，夜晚可以gals talk。
其實早機，又搭車又搭船，到酒店已經勁肚餓，但都要先衝返房執返個樣，換返個沙灘裝，再衝去餐廳食個late lunch。海邊假期嘅重點係狂hea，所以我地食咗個2粒鐘嘅lunch，兼且可以飲至愛嘅象啤。因為要貫徹BiBi豬之旅嘅宗旨，食完lunch即瞓個午覺。因為太攰，4個人瞓死咗，完全miss咗dinner 嘅時間。晚餐係酒店間泰菜食，dinner係ok嘅，不過最吸引都係至愛嘅芒果糯米飯，芒果超鮮甜、糯米飯又夠煙靭😍
第二朝早起就碌去酒店個沙灘晒太陽，象島其中一樣最好嘅就係超少遊客，唔洗迫，可以靜靜地係沙灘睇書曬太陽。而象島另外一個正點係水超清（唔洗去外島一行出去個海灘已經可以見到魚仔），同沙超幼（可以係沙灘到狂碌wahaha)
Bibi豬之旅點少得massage 呢個環節呢😘酒店間spa - Breeze, 有個signature program叫mood massages - 根據你當時嘅心情幫你配搭出啱你嘅massage。我個人係極愛泰式按摩，所以揀咗'Energised', 按摩師會先用熱熱嘅泰式藥草球壓你全身（好似幫你叫醒d穴位咁）個人超愛熱敷成條尾龍骨位，超爽，敷完個人都鬆咗，根住再配搭泰式按摩拉番開D因為長期坐office緊到不能嘅筋。完成後，飲埋按摩師盡備嘅香茅茶，爽晒！
順帶一提，酒店個pizza做得超出色，皮超脆，cheese同蕃茄超fresh!根據同行對食有D要求嘅朋友仔講呢個pizza分數比極出名嘅Napoli間Sorbillo有得比!
#象島
Search